Góð samskipti ehf. - Týsgötu 3 - 2. hæð - 101 Reykjavík - Sími 615-0110                                      Stofnað 2008

  • LinkedIn Square

STJÓRNENDALEIT OG ÁBENDINGAR​

Um stjórnendaleit Góðra samskipta

Góð samskipti veita viðskiptavinum sínum aðstoð við stjórnendaleit (executive search)

og koma með ábendingar um öflugt fólk í mikilvægar stjórnunarstöður, til að koma inn í stjórnir fyrirtækja og þegar rétta fólkið vantar í ákveðnar stöður sérfræðinga. Ekki er óalgengt að til okkar sé einnig leitað þegar sem ráðningarfyrirtæki hefur umsjón með ráðningarferlinu. Í þeim tilfellum er okkar hlutverk að koma með aðra flóru kandídata inn í ferlið, til viðbótar við þá sem sækja um beint samkvæmt auglýsingu.


Hverjum leitum við að?

Við leitum að öflugasta fólkinu á hverjum tíma, sem stundum er nefnt „tíur“ í ráðningarheiminum. Þessi hópur sækir síður um auglýst störf, en þeim gæti þótt verkefnið áhugavert ef þeim er kynnt það sérstaklega. Það fer oftast saman að fólk sem er bæði ánægt og vel metið í núverandi starfi er sjaldnast að hugsa sér til hreyfings. Það þarf oft að ýta við því.

Góð samskipti fylgjast vel með markaðinum, koma auga á rísandi stjörnur og sannfæra þær um að skoða ný og spennandi tækifæri.

Hvað kostar að fá ykkur til að aðstoða við ráðningu?

Við tökum eingöngu að okkur verkefni af þessu tagi á föstum samningi (retainer). 

Lágmarkssamningur vegna stjórnendaleitar og tengdra verkefna er 30 útseldir tímar, sem greiddir eru fyrirfram.

Hvað ef ég ætla líka auglýsa starfið?

Það getur farið vel saman að auglýsa starf en einnig fela okkur að fara út á örkina að leita uppi öfluga kandídata og sannfæra þá um að sækja um, til viðbótar við þá sem sækja um t.d í gegnum auglýsingu eða hefðbundið ráðningarfyrirtæki.


Get ég sótt um starf í gegnum ykkur?

Nei, því miður. Góð samskipti taka ekki við umsóknum um störf né hjálpa einstaklingum í atvinnuleit. Við komum einungis að völdum ráðningum á hverju ári og hittum fólk ekki nema í tengslum við það starf sem við erum að leita í þá stundina. Besta leiðin til að vekja athygli okkar er að standa sig vel á sínu sviði og vera sýnileg/ur.

 

Góð samskipti auðsýna skjólstæðingum sínum og þeim sem koma til greina í störf, ávallt fyllsta trúnað.

Góð samskipti er ráðgjafarfyrirtæki sem leggur áherslu á gott siðferði og trúverðugleika í störfum sínum.

Við aðstoðum skjólstæðinga okkar við að eiga góð samskipti við fjölmiðla, almenning og aðra haghafa .